नारायण नगरपालिकाको १८औं नगरसभा अधिवेशन मिति २०८३ असार ७ गते सरूभई १४ गते सफलतापूर्वक सम्पन्न भएको छ!

सभा सफलतापूर्वक सम्पन्न गर्न योगदान गर्नुहुने सबै राजनीतिक दल, नगरसभाका सदस्यज्यूहरू, कर्मचारी, संचारकर्मी, निजी क्षेत्र तथा सामाजिक क्षेत्र लगायत सम्बद्ध सबैलाई हार्दिक आभार तथा धन्यवाद ज्ञापन गर्दछौं!

सभाको यस अधिवेशनमा आर्थिक वर्ष २०८३/८४ को नीति तथा कार्यक्रम, परिमार्जित बजेट तथा कार्यक्रम, आर्थिक विधेयक, विनियोजन विधेयक, आर्थिक कार्यविधि तथा वित्तीय उत्तरदायित्व विधेयक, अर्थ तथा सार्वजनिक लेखा समितिको प्रतिवेदन सर्बसम्मत रूपमा पारित भएका छन्! त्यसैगरी, कार्यपालिकाका निर्णयहरू, चालु आ.ब.को प्रगति अनुमोदन लगायतका निर्णयहरू भएका छन्।

"समृद्ध नगर, आत्मनिर्भर नगरवासी, स्वच्छ नगर सुखी नगरवासी" सोच पूरा गर्न सम्पूर्ण राजनीतिक दलहरू, नगरवासी, निजी क्षेत्र, सामाजिक क्षेत्र र सम्बद्ध सबैको साझा संकल्पको अपेक्षा गर्दछौं।

"समृद्ध भविष्यको आधार: जलवायु एवं प्रकृतिमैत्री विकास" यस वर्षको विश्व वातावरण दिवसका दिन नारायण नगरपालिकाको आयोजनामा विभिन्न सरकारी निकायहरू सुरक्षा निकायहरू गैरसरकारी संस्थाहरूको समन्वयमा दैलेख बजार स्थित कोतगढीको सरसफाई तथा सौन्दर्यकरण लगायतका कार्यक्रममार्फत् मनाइएको छ।

२०८३/०२/२२

नवप्रवर्तनमुखी १२५ युवा महिला उद्यमी विकास:

प्रदेश तथा स्थानीय शासन सबलीकरण कार्यक्रम (PLGSP) र नारायण नगरपालिकाको साझेदारीमा 'नवप्रवर्तन साझेदारी परियोजना' (IPF) अन्तर्गत १८ देखि ४० वर्ष उमेर समूहका १२५ जना महिला उद्यमीहरूलाई 'आफ्नो व्यवसाय सुरु तथा सुधार गरौँ' (SIYB) विषयक तालिम प्रदान गरिएको छ। उहाँहरूलाई थप कृषि तथा पशुपालनतर्फ विशिष्टिकृत तालिम तथा प्रविधि हस्तान्तरण मार्फत् सफल उद्यमी बन्न टेवा पुऱ्याउने लक्ष्य रहेको छ!

आज मिति २०८३ साल जेष्ठ ४ गतेका दिन नारायण नगरपालिका दैलेखबाट यस आ.व. मा सम्पादित विकास गतिविधिहरु‚ सेवा प्रवाह प्रणाली तथा सेवाको गुणस्तर र प्रभावकारिताका विषयमा सरोकारवालाहरूको उल्लेख्य उपस्थिति सहित भव्यरूपमा नगरपालिकाको दोस्रो चौमासिक सार्वजनिक सुनुवाई कार्यक्रम सुसम्पन्न भयो। यस प्रकारको हाकाहाकी बहस तथा सुझावहरु आदानप्रदान गर्ने कार्यक्रमबाट आगामी रणनीति योजना निर्माणको लागि महत्वपूर्ण पृष्ठपोषण हरू प्राप्त भएका छन् जसलाई नारायण नगरपालिका सदैव महत्वपूर्ण सम्पत्तिको रुपमा ग्रहण गर्नेछ ।