नारायण नगरपालिका भित्र रहेको संभावित विश्वसम्पदा सूचीमा रहेको २२ देवल सहित संरक्षित स्मारक क्षेत्र घोषणाको पूर्वतयारी तथा पालिका भित्रका सम्पूर्ण सम्पदाहरू संरक्षणमा महत्वपूर्ण कोसेढुङ्गाको रूपमा पुरातत्व विभागका महानिर्देशक सौभाग्य प्रधानाङ्गज्यू सहितको टोलीसँग स्थलगत निरीक्षण र अन्तर सम्वाद कार्यक्रम गरिएको छ।

नारायण नगर पालिकाकाे आगामी आर्थिक वर्ष २०८१।०८२ काे नीति तथा कार्यक्रम का लागि सर्वपक्षीय सुझाव संकलन कार्यक्रम आज मिति २०८१ साल असार ४ गते जिल्ला समन्वयको सभा हलमा नगर प्रमुख लाेमन शर्माको अध्यक्षता, प्रमुख अतिथि संघीय संसदका शिक्षा ,स्वास्थ्य तथा सुचना प्रविधि समितिका सभापति माननीय अम्मर बहादुर थापा, बिशेश अतिथि राष्ट्रिय सभा सदस्य माननीय सावित्री मल्ल, पुर्व प्रतिनिधि सभा सदस्य रवीन्द्र राज शर्मा, पुर्व नगर प्रमुख रत्नबहादुर खड्का , राजनैतिक दलका प्रमुख , प्रतिनिधि , नागरिक समाजका प्रतिनिधि ,नगरबासिकाे उपस्थितिमा आगामि आ व को लागि नीति कार्यक्रमका लागि सुझाव संकलन गरि सम्पन्न भएको छ ।